په غور کې د دوو مخابراتي سایټونو د جوړولو چارې پیل شوې
د مخابراتي خدمتونو د پراختیا په موخه، د غور ولایت پسابند ولسوالۍ کاکرۍ او شهرک ولسوالۍ جلګه مزار سیمو کې د افغان بیسیم او اټوما مخابراتي شرکتونو د ۲ مخابراتي سایټونو د جوړولو عملي چارې پیل شوې.
د ۲ مخابراتي سایټونو له ډلې لومړنۍ یو یې چې د پسابند ولسوالۍ کاکرۍ سیمې کې جوړېږي د ټي ایف (TDF) له بودیجې تمویلېږي او دویم یې د یاد مخابراتي شرکت له لوري تر کار لاندې دی.
د دغو سایټونو له فعالېدو سره به د دواړو سیمو اوسېدونکي مخابراتي او انټرنیټي خدمتونو ته لاسرسی ومومي او د مخابراتي پوښښ په برخه کې به یې شته ستونزې راکمې شي.
