له ژمنې تر عمله، په هرات ولايت کې د مخابراتي خدماتو د وړاندې کولو بهیر

Alireza Khaliqyar
شنبه ۱۳۹۷/۷/۲۱ - ۳:۴۲

http://mcit.gov.af/ps/%D9%84%D9%87-%DA%98%D9%85%D9%86%DB%90-%D8%AA%D8%B1-%D8%B9%D9%85%D9%84%D9%87%D8%8C-%D9%BE%D9%87-%D9%87%D8%B1%D8%A7%D8%AA-%D9%88%D9%84%D8%A7%D9%8A%D8%AA-%DA%A9%DB%90-%D8%AF-%D9%85%D8%AE%D8%A7%D8%A8%D8%B1%D8%A7%D8%AA%D9%8A-%D8%AE%D8%AF%D9%85%D8%A7%D8%AA%D9%88-%D8%AF-%D9%88%DA%93%D8%A7%D9%86%D8%AF%DB%90-%DA%A9%D9%88%D9%84%D9%88-%D8%A8%D9%87%DB%8C%D8%B1

هرات- افغانستان: د هرات ولايت د مخابراتو رياست د یو خبري کنفرانس په ترڅ کې په تېرو پنځه مياشتو کې ددغه رياست د لاسته راوړنو په اړه معلومات ورکړل.
د رياست مسؤولينو په دغه کنفرانس کې هیله مندي ښودلې چې د پاسپورټ د وېش بهیر د سيسټماټیک کېدو سره په دې برخه کې ټولې ستونزې او اندېښنې له منځه تلي او د تېر یو کال په اوږدو کې د مخابراتو رياست د پُسټ مديریت له خوا له سل زره زیات پاسپورټونه د هرات اوسېدونکو ته وېشل شوي او همدا شان د نوي ډېټابیس او موډل څخه په ګټې اخیستنې سره نږدې شل زره پاسپورټونه په بريالۍ توګه وېشل شوي دي.
د هرات ولايت د مخابراتو رياست مسؤولينو په دغه خبري کنفرانس کې زیاته کړه چې د پُسټي خدماتو د تنظیم په موخه یو ټیم مؤظف کړی او ټاکل شوې د د پاسپورټ د وېش په برخه کې د هرات ولايت طرحه په نورو ولايتونو کې د یوې بريالۍ تجربې په توګه وکارول شي.
په همدې حال کې د هرات ولايت د مخابراتو مسؤولين په دغه ولايت کې د سيمکارتونو د توزیع، د هويت د ثبت او پلور په اړه د جدي نظارت او څارنې څخه د جدي څارنې خبر ورکوي، زیاتوي چې په هرات ولايت او ولسواليو کې د مخابراتي او انټرنيټي خدماتو د پراختيا او د پوښښ د ساحې د پراختيا په اړه هم هڅې روانې دي.