د پوهنې ډيجيټلي کول، د نوري فايبر شبکې سره د ښوونځيو اتصال

Alireza Khaliqyar
چهارشنبه ۱۳۹۸/۳/۲۹ - ۱۸:۶

http://mcit.gov.af/ps/%D8%AF-%D9%BE%D9%88%D9%87%D9%86%DB%90-%DA%89%D9%8A%D8%AC%D9%8A%D9%BC%D9%84%D9%8A-%DA%A9%D9%88%D9%84%D8%8C-%D8%AF-%D9%86%D9%88%D8%B1%D9%8A-%D9%81%D8%A7%D9%8A%D8%A8%D8%B1-%D8%B4%D8%A8%DA%A9%DB%90-%D8%B3%D8%B1%D9%87-%D8%AF-%DA%9A%D9%88%D9%88%D9%86%DA%81%D9%8A%D9%88-%D8%A7%D8%AA%D8%B5%D8%A7%D9%84

د مخابراتو او معلوماتي ټکنالوجۍ وزارت د پوهنې وزارت په همکارۍ په پام کې لري چې د معاصرو زده کړو د اسانتياو برابرولو په موخه د دولتي ښوونځيو تر څنګ د هېواد خصوصي ښوونځي هم د نوري فایبر سره وصل او د معلوماتي ټکنالوجۍ پر تجهيزاتو سمبال کړي.

د مخابراتو او معلوماتي ټکنالوجۍ وزارت سرپرست محترم محمد فهيم هاشمي نن د خصوصي ښوونځيو د يو شمېر مسؤولينو سره لیدنه وکړه او ټينګار يې وکړ چې د ډيجيټل او الکټرونيک زده کړو د زمينه سازۍ لپاره کلک هوډ لري او اړوندو مسؤولينو ته يې لارښوونه وکړه چې خصوصي ښوونځي هم د اتصال په پروګرام کې شامل دي او د سروې چارې يې ژر پېل کړي.

د مخابراتو وزارت تر اوسه ۲۹۰ ښوونځي سروې کړي او د اتصال چارې يې روانې دي، په پام کې ده چې ۱۲۰۰ نور ښوونځي هم سروې، وروسته د نوري فایبر شبکې سره وصل او د معلوماتي ټکنالوجۍ پر تجهيزاتو سمبال شي.

د مخابراتو او معلوماتي ټکنالوجۍ وزارت د (AfghanSat) افغان سټ سټلايت دوه ټرانسپوڼدرونه ددې پروژې لپاره ځانګړي کړي او په هغه سيمو کې چې د نوري فایبر له لارې د اتصال زمينه نه وي، برابره، ښوونځي د سټلايت له لارې د پوهنې شبکې سره وشل شي.