د ارو پایي ټولنې سفیر ښاغلي (پیري مایودان) سره ناسته،

۲۶لیندۍ (۱۷ ډیسمبر) 
د مخابراتو او معلوماتي ټکنالوجۍ وزیر ښاغلي شهزاد اریوبي د اروپایې اتحادیي له سفیر ښاغلي پیري مایودان سره ولیدل. په ناسته کې په بریښنایي حکومتوالۍ، سایبري خوندیتوب، د معلوماتي ټکنالوجۍ په برخه کې پر ظرفیت لوړنې، بریښنایي صنعت، خلکو ته په ډیجیټلي ډول د غوره خدمتونو وړاندې کولو، د نوري فایبر په واسطه افغانستان د چین له لارې او له همدې لارې منځنۍ اسیا، افریقا او اروپایې هېوادونو سره پر نښلولو او نورو اړونده بنسټیزو مسائیلو خبرې وشوې.

ښاغلي اریوبي د اروپایي ټولنې سفیر له راتګ څخه مننه وکړه او افغانستان سره یې د یادې اتحادیې غړو هېوادونو مرستې وستایلې. نوموړي همداراز له ښاغلي مایودان څخه په یادو بر خو کې د زیاتې مرستې غوښتنه وکړه. ښاغلي مایودان د اروپایي ټولنې په استازیتوب وزیر صیب ته په مخابراتي سکټور کې د ډیرو مرستو ډاډ ورکړ او زیاته یې کړه چې اروپایي ټولنه به د اوږد مهال لپاره له افغانستان سره په بیلا بیلو برخو کو خپلو مرستو ته دوام ورکړي. په پای کې وزیر صیب د ښاغلي مایودان له راتګ څخه یو ځل بیا مننه وکړه او په دوه اړخیزه همکارۍ یې ټینګار وکړ.