د توکو انټرنېټ Internet of things د ګټې اخیستنې غونډه کې ګډون

Alireza Khaliqyar
دوشنبه ۱۳۹۷/۷/۲۳ - ۹:۳۰

https://mcit.gov.af/index.php/ps/%D8%AF-%D8%AA%D9%88%DA%A9%D9%88-%D8%A7%D9%86%D9%BC%D8%B1%D9%86%DB%90%D9%BC-internet-things-%D8%AF-%DA%AB%D9%BC%DB%90-%D8%A7%D8%AE%DB%8C%D8%B3%D8%AA%D9%86%DB%90-%D8%BA%D9%88%D9%86%DA%89%D9%87-%DA%A9%DB%90-%DA%AB%DA%89%D9%88%D9%86

دوشنبه ۲۳ میزان ۱۳۹۷

د مخابراتو او معلوماتي ټکنالوجۍ وزیر محترم شهزاد آريوبي نن د کابل پوهنتون د کمپيوټر ساينس پوهنځي د غونډو په تالار کې د Incredible IoT په پای غونډه کې ګډون وکړ چې د کمپيوټر ساينس پوهنځي رئیس، د مخابراتو او معلوماتي ټکنالوجۍ وزارت مالي او اداري مرستيال، د کابل پوهنتون استادانو، محصلينو، د افغانستان انټرنېټ سوسايټي مسؤولينو او رسنيو هم په کې ګډون کړی و.

محترم آريوبي د غونډې له ګډونوالو او جوړوونکو د مننې تر څنګ وویل، د خوشالۍ ځای دی چې افغانان په ځانګړې توګه ځوانان د نورو پرمختګونو تر څنګ د معلوماتي ټکنالوجۍ په برخه کې نوښتونه کوي او اوس حتی زموږ ځوانان په دغه شان مهمو موضوعاتو باندې چې د معلوماتي ټکنالوجۍ د دنيا ضروري برخه ده غونډې او مجلسونه جوړوي.

د مخابراتو او معلوماتي ټکنالوجۍ وزیر په وينا، بې له شکه په تېره یوه لسيزه کې د معلوماتي ټکنالوجۍ پرمختګوتو د انسانانو په ژوند کې بېلابېل بدلونونه او اسانتياوې راوستي او د معلوماتي ټکنالوجۍ او د توکو انټرنېټ څخه په ګټې اخیستنې نړۍ په یوه کوچني کلي بدلېدونکې ده چې په اوسني وخت کې دغه سيسټمونه د بشر د لومړنيو اړتياو څخه ګڼل کېږي.

له نېکه مرغه زموږ ګران هېواد افغانستان هم توانېدلی په بېلابېلو برخو کې د معلوماتي ټکنالوجۍ د ترويج له پلوه اوس د پرمختګ په حال کې دی.

د مخابراتو او معلوماتي ټکنالوجۍ وزارت په هڅه کې دی چې د مبایل پلاټفارم له لارې غوره سهولتونه وړاندې کړي او تر اوسه توانېدلي يوو چې د عامه خدماتو او ملي منابعو د مديريت اساسي بنسټ د افغان متخصصانو له خوا رامنځته کړي.

ښاغلي شهزاد آريوبي زياته کړه چې د مخابراتو او معلوماتي ټکنالوجۍ وزارت هڅه کوې، د توکو انټرنټ د پلې کولو لپاره زیربناوي جوړي کړي او په خبره يې د نیکسا یو اساسي پلټفارم يې جوړ کړې چي کولای شي د توکو انټرنټ زیربناوي جوړې او چمتو کړي.

د نېکسا له لاري به خصوصی سکټور وکولاي شې، د توکو په انټرنټ کار وکړي او داسې نوي توکي په ټیټه بیه، لوړ امنیت او سیمه ایزه توګه په افغانستان کې معرفي کړي.

لکه څرنګه چی IPv6 د توکو انترنت اصلی هسته ده، نو ددغه ټکنالوجۍ د حمايت په موخه په پام کې لرو چې د نېکسا له لارې د IPv6 د حمايې په موخه يو مرکزي سيسټم را منځته کړو چې په هېواد کې د توکو د انټرنېټ د پراختيا او ترويج زمينه مساعده شي.