په مخابراتو وزارت کې، د ښځو نړیواله ورځ ولمانځل شوه:

Author image
enayat_admin
یکشنبه ۱۳۹۸/۱۲/۱۸ - ۱۴:۰
m

نن یکشنبه د ۱۳۹۸ کال کب میاشتې اتلسمه، په مخابراتو او معلوماتي ټکنالوژۍ وزارت کې، د مشرتابه هییت، یو شمېر رییسانو او مخکښو مېرمنو په ګډون د یو لړ ځانګړو مراسمو په ترڅ کې د مارچ اتمه یا د ښځو نړیواله ورځ ولمانځل شوه.
د مراسمو په پیل کې، د مخابراتو وزارت د جندر رییسې ملالۍ یوسفزۍ، په ټولنه کې د ښځو پر وړاندې روانو توپیري چلندونو ته په اشارې سره وویل: «د مارچ اتمه په اصل کې د همدې بې عدالتیو پر وړاندې د مېرمنو د یووالې او همغږۍ ورځ ده، چې په ټوله نړۍ کې لمانځل کیږي.»
د مخابراتو او معلوماتي ټکنالوژۍ سرپرست وزیر محمد فهیم هاشمي، په هېواد کې د مېرمنو له وروستیو او بې مخینې لاسته راوړنو څخه د ستاینې تر څنګ زیاته کړه: «مېرمنې د ټولنې د یوې درنې برخې په توګه، په بنسټيزو او سترو پرمختګونو کې لوی لاس لري، ځکه خو مخکښې مېرمنې د وزارت په کچه د رهبرۍ او تصمیم نیونکې لورې په توګه ونډه لري.»

m


نوموړي زیاته کړه: « د هېواد په کچه مېرمنې د ټولنیز عدالت په پلې کولو کې لوی لاس لري، پر همدې اساس اړینه ده چې په افغانستان کې پر کلیدي بستونو کار وکړي.»
ښاغلي هاشمي ټینګار وکړ، چې مېرمنې په ادراې چارو کې د روڼتیا سمبول یادیږي، ځکه خو په مخابراتو وزارت کې د رهبرۍ په کچه ستاسو ونډه سمبولیکه نه، بلکه د وړتیاوو په اساس تر لاسه شوې ده.
د دغو مراسمو په پای کې، سرپرست وزیر محمد فهیم هاشمي د وازرت په کچه مخکښو مېرمنو ته ستاینلیکونه ورکړل.

تازه خبرونه

سه‌شنبه ۱۳۹۹/۱/۲۶ - ۱۹:۲۴
Background image

د سلام مخابراتي شرکت څلورم نسل یا 4G انټرنیټ خدمتونه فعال شول!

سه شنبه د روان کال د وري میاشتې ۲۶ مه نېټه مخابراتو او معلوماتي ټکنالوژۍ وزارت له سلام مخابراتي شرکت سره په ګډه، د دغه شرکت له خوا د 4G انټرنیټ خدمتونو فعالېدو په مناسبت افتتاحیه ناسته. . .

یکشنبه ۱۳۹۸/۱۲/۱۸ - ۱۴:۰
Background image

په مخابراتو وزارت کې، د ښځو نړیواله ورځ ولمانځل شوه:

نن یکشنبه د ۱۳۹۸ کال کب میاشتې اتلسمه، په مخابراتو او معلوماتي ټکنالوژۍ وزارت کې، د مشرتابه هییت، یو شمېر رییسانو او مخکښو مېرمنو په ګډون د یو لړ ځانګړو مراسمو په ترڅ کې د مارچ اتمه یا. . .

چهارشنبه ۱۳۹۸/۱۲/۷ - ۱۵:۲۷
Background image

ملت ته د مخابراتو وزارت د حساب ورکولو ناسته تر سره شوه:


نن چهارشنبه د روان ۱۳۹۸ هجري کال د کب میاشتې اوومه نېټه، د مخابراتو او معلوماتي ټکنالوزۍ وزارت مشرتابه د حکومت رسنیو مرکز کې خلکو ته د حساب ورکولو په ناسته کې ګدون وکړ.
په دغه ناسته کې. . .

بېرته خبرونه ته