د پکتیکا ولایت په یوشمیر ولسوالیو کې د روشن مخابراتي شرکت د څوارلسو سایټونو ظرفیت لوړ شو
د مخابراتو او معلوماتي ټکنالوجۍ وزارت د هدایت پر اساس، د پکتیکا ولایت د مخابراتو او معلوماتي ټکنالوجۍ ریاست او روشن مخابراتي شرکت په ګډو هڅو د یاد ولایت په یو شمیر ولسوالیو کې دڅوارلسو مخابراتي سایټونو انټرنېټي خدمتونه 4G ته لوړ شول او ګټې اخیستنې ته وسپارل شو.
د نوموړي مخابراتي شرکت د 4G انټرنېټي خدمتونو په فعالیدو سره به د یاد ولایت اړوند سیمو اوسېدونکي وکولای شي لوړ کیفیت او چټک انټرنېټي خدمتونو ته لاسرسی ولري او خپلې مخابراتي او انټرنېټي ستونزې هوارې کړي.
د پکتیکا ولایت اوسېدونکو د مخابراتو او معلوماتي ټکنالوجۍ وزارت د دغه اقدام ستاینه وکړه او د نوموړي ولایت د مخابراتو او معلوماتي ټکنالوجۍ ریاست، له هڅو یې خوښي څرګنده کړه.
